ഫ്യു ഹവേർസ്

" ഈ നേരത്തിനി ഇതിലൂടെ ബസ്സ് ഒന്നുമില്ല ,
മഴ ശക്തമായ്ക്കൊണ്ടിരിക്കുകയാണ്. കൈ കുഞ്ഞുമായ് ഇവിടെ ഇങ്ങനെ നിൽക്കുന്നത് അത്ര പന്തിയല്ല ."
ഞാൻ ഒരു പഴയ പോലീസുകാരനാണ് .എവിടെയാണ് പോകേണ്ടതെന്നു വെച്ചാൽ കൊണ്ടു വിടാം .

(മേഘ  അവളുടെ കൈകുഞ്ഞുമായ് ആ വാഹനത്തിലേക്ക് കയറി .മഴ തോരാതെ പെയ്തു കൊണ്ടിരിക്കുന്നു )

ഈ റൂട്ടിൽ രാത്രി ഒരു സമയം കഴിഞ്ഞാൽ പിന്നെ ബസ്സുകളൊന്നും തന്നെയില്ല

''മ്മ്"

എവിടെക്കാണ് പോകേണ്ടത്

" അറിയില്ല "

നിങ്ങളെ കണ്ടിട്ട് എന്തോ പ്രശ്നത്തിൽ പെട്ടതു പോലെയുണ്ടല്ലോ .അതുകൊണ്ടുതന്നെയാണ് നിങ്ങളെ കണ്ടയുടൻ വണ്ടി നിർത്തുവാൻ എന്നോട് മനസ്സു പറഞ്ഞതും

''നിങ്ങൾക്ക് അങ്ങനെ തോന്നിയോ "

എന്താണ് നിങ്ങളുടെ പ്രശ്നമെന്ന് പറയൂ, പരിഹാരങ്ങളില്ലാത്ത പ്രശ്നങ്ങളില്ലല്ലോ.
ഞാൻ റോയ്, നിങ്ങളുടെ പേരെന്താണ് ?ഈ കുട്ടിയുടെ അച്ഛൻ എവിടെയാണ്?

" ഞാൻ മേഘ ,M Sc ഫൈനൽ ഇയറിനു പഠിക്കുമ്പോളാണ് വീട്ടുകാരെ എതിർത്ത് മനോജിന്റെ കൂടെ ഇറങ്ങി ചെല്ലുന്നത് .സുഹൃത്തുക്കൾ എല്ലാവരും കൂടി രജിസ്റ്റർ മാരേജ് നടത്തി തന്നു .കോളേജ് കാലം മുതൽക്കുള്ള പ്രണയമാണ് ഞങ്ങളുടേത് .മനോജിനെ വിവാഹം കഴിക്കുവാൻ അച്ഛനു സമ്മതമില്ലായിരുന്നു .ജാതി സാമ്പത്തികം ഇതിനുപറമേ മനോജ് അനാഥനാണ് എന്നതും.ഈ നൂറ്റാണ്ടിലും മതത്തിന്റെയും ആചാരത്തിന്റെയും മതിൽ കെട്ടുകൾക്കുള്ളിലാണ് എന്റെ വീട്ടുകാർ .ഞാൻ മനോജിനോടൊത്ത് ഇറങ്ങി ചെന്ന അന്ന് തന്നെ എന്നെ പടിയടച്ച് പിണ്ഡം വെച്ചു. കൂട്ടുകാർ എല്ലാം കൂടി എടുത്തു തന്ന വാടക വീട്ടിലായിരുന്നു താമസം. ഒരു പ്രൈവറ്റ് ഇൻഷുറൻസ് കമ്പനിയിലായിരുന്നു മനോജിന് ജോലി .ഞാൻ കുട്ടികൾക്ക് ട്യൂഷൻ എടുത്തു കൊടുക്കുമായിരുന്നു.അങ്ങനെ ഒരു ചെറിയ കുടുംബ ജീവിതം ഞങ്ങളും മെനഞ്ഞെടുത്തു.ആറുമാസം മുന്പ് നടന്ന ഒരു അപകടത്തിൽ മനോജ് .....
ഉള്ളതെല്ലാം നുള്ളിപ്പെറുക്കി രണ്ടു മാസം പിടിച്ചു നിന്നു. പണത്തിന്റെ കാര്യമല്ലേ ഒന്നു രണ്ടു മാസം കഴിഞ്ഞപ്പോൾ സുഹൃത്തുക്കളും കൈയ്യൊഴിഞ്ഞു തുടങ്ങി .അവരേയും കുറ്റം പറയാൻ പറ്റില്ല എത്രയെന്നു വെച്ചാ അവരും .
കുറച്ചു നാൾ ജോലി അന്വേഷിച്ച് നടന്നു.കൈകുത്തുമായ് നടക്കുന്നവർക്ക് സിമ്പതി കിട്ടും എന്നല്ലാതെ ജോലി കിട്ടില്ല എന്ന് മനസ്സിലായി .
വീട്ടുടമയോട് അവധികൾ പറഞ്ഞ് മടുത്തിരിക്കുന്നു ഇന്നോ നാളെയോ അവിടെ നിന്നും ഇറങ്ങേണ്ടി വരും .
ഒടുവിൽ  ഇന്ന് ജോലിക്കു വേണ്ടി ചെന്നു കണ്ട കമ്പനി മുതലാളി പറഞ്ഞു തന്നു മണിക്കൂറുകൾക്ക് പതിനായിരങ്ങൾ കിട്ടുന്ന ജോലിയെപറ്റി .ഒന്നു മിണ്ടാതെ അവിടെ നിന്നും ഇറങ്ങി നടന്നു. അല്ലേങ്കിലും അയാൾ പറഞ്ഞതിൽ എന്താണ് തെറ്റ് ,കൈയിൽ പണമില്ല താമസ്സിക്കാൻ സ്വന്തമായ് ഒരു വീടില്ല, ചോദിക്കുവാൻ സ്വന്തമെന്ന ആരുമില്ല .
കുഞ്ഞിന് പാൽ വാങ്ങുവാൻ ഉള്ള പണം പോലും ഇപ്പോൾ എന്റെ കൈയ്യിലില്ല. ഒടുവിൽ അയാൾ പറഞ്ഞു തന്ന തൊഴിൽ സ്വീകരിക്കുവാൻ തുനിഞ്ഞാണ് ഈ രാത്രി ഞാൻ തയ്യാറായി നിന്നത്. താങ്കൾക്കു പകരം ആവശ്യക്കാർ ആയിരുന്നെങ്കിൽ അവരുടെ കൂടെ പോയിരുന്നേനെ .ഇനി പറയൂ എന്റെ പ്രശ്നങ്ങൾക്ക് നിങ്ങളുടെ കൈയ്യിൽ എന്താണ് പരിഹാരം

നിങ്ങളുടെ വീട് എവിടെയാണെന്ന് പറഞ്ഞില്ല.

"അടുത്ത വളവിൽ നിന്നും നാലാമത്തെ വീട് "

"നന്ദി ,ഈ രാത്രിയിൽ ഇത്രയധികം ദൂരം കൊണ്ടുവിട്ടതിന് "

"ഇത് എന്റെ വിസിറ്റിംഗ് കാർഡ് "

മ്മ്

"നാളെ എന്റെ ഷോപ്പിലേക്ക് വരു അവിടെ ഒരു sales ഗേളിന്റെ ഒഴിവുണ്ട്. പിന്നെ ദാ ഇത് പിടിക്കൂ ഈ മാസത്തെ ശമ്പളത്തിന്റെ അഡ്വാൻസ്സ്.
അപ്പോ നാളെ കാണാം ഗുഡ് നൈറ്റ്"